Okkur langar að bjóða þér að taka þátt í Listarölti, sameiginlegri helgi opinna vinnustofa um Eyjafjörð og nágrenni, laugardaginn 3. og sunnudaginn 4. október 2026, kl. 13–17.

​

Markmiðið er að vekja athygli á fjölbreyttri listsköpun á svæðinu og bjóða almenningi að heimsækja vinnustofur, hitta listafólkið og sjá hvar og hvernig verkin verða til. Allar vinnustofurnar verða opnar á sama tíma til að skapa spennu og hvetja fólk til að ferðast á milli staða.

​

Gestir fá sérstakt vegabréf Listarölts með upplýsingum um þátttakendur og korti af vinnustofunum. Hver vinnustofa útbýr sinn eigin stimpil, tákn eða áritun sem gestir safna í vegabréfið. Þeir sem safna tilskildum fjölda stimpla geta tekið þátt í happdrætti.

​

Hver þátttakandi býður jafnframt eitt sérstakt tækifærisverk Listarölts til sölu á 10.000 kr. Verkin verða kynnt á samfélagsmiðlum fyrir viðburðinn en verða ekki boðin til sölu fyrr en vinnustofurnar opna kl. 13. Með þessu viljum við gefa fleirum færi á að eignast listaverk og hvetja gesti til að heimsækja vinnustofurnar.

​

Til að taka þátt þarf að:

• hafa vinnustofuna opna báða dagana, 3. og 4. október, kl. 13–17;

• fylla út skráningarformið;

• senda vandaða mynd af verki til notkunar í kynningarefni;

• senda tengla á vefsíðu og samfélagsmiðla, ef við á;

• útbúa stimpil, tákn eða áritun fyrir vegabréf Listarölts;

• bjóða eitt listaverk til sölu á 10.000 kr.;

• aðstoða við að kynna viðburðinn á eigin miðlum.
   

Einnig er hægt að leggja fram verk í sameiginlegt happdrætti, en það er valfrjálst.

Hver vinnustofa ræður hvernig tekið er á móti gestum. Þú getur boðið upp á veitingar, sýnikennslu eða aðra dagskrá ef þú vilt, en það er alls ekki skilyrði.

​

Við sjáum um sameiginlega vefsíðu, kynningar á samfélagsmiðlum, prentað vegabréf og kort ásamt því að kynna viðburðinn fyrir fjölmiðlum og öðrum aðilum á svæðinu.

Þátttökugjald er 5.000 kr. fyrir hverja vinnustofu.

​

Skráning fer fram hér

Skráningarfrestur er:
18. september 2026

​

Við vonum innilega að þú takir þátt og hjálpir okkur að gera sýnilega þá fjölbreyttu og öflugu listsköpun sem á sér stað á svæðinu.
Dagný Reykjalín, Elín Berglind og Gillian Pokalo

Listarölt - formleg síða fyrir gesti verður listarolt.online og þar verða að finna upplýsingar fyrir gesti.
listarolt@gmail.com